星期一去左睇學友光年演唱會，基本上好正，學友唱live，去呢d concert都真係幾enjoy music，唔係睇乜野表演，而係去感受佢既唱工!
佢真係好勁，上高音果d位，勁有技巧，勁熟練...不過可惜我果場都走好多次音..我聽到就有5次禁多....

其實雖然一早就買左飛，但係其實唔係話真係好期待去睇，亦無話乜野歌係特別想聽...不過臨去之前，睇左人地d blog，話有唱「繁忙的工作」，但係我果晚無唱到....不過就唱左藍雨，係幾開心既~第一次聽佢live藍雨，不過最高果個位都係走音啦..~~

基本上有d禁既節目都已經可以令自己心情愉快d~~ 滿意~

終於有新iPod出~~
自從舊果部壞左之後，我終於好快會再有歌聽啦~~~~~~~~

希望有suprise la~~

首先有d後悔，就係其實呢套戲，應該入場睇。真係好好睇....(唔知有無人有興趣，我唔介意入場睇多次~)

其實講內容，個故事講既係一個日本好興講既「暑假」。唔知大家多唔多睇日本野，好多時都係講緊一個臨畢業，入大學之前既最後一個暑假。入面既純純的愛情...原本幾個人由細玩到大，到突然間發覺其實好鍾意對方....但係可惜又要分開..

講返呢個故事，其實雖然佢既基本背景係一個好普通既青澀愛情故事。不過其實好彩，佢放係愛情入面既比重都算少。反而係講珍惜，友情會好似多d..
講真，講個故事黎講，真係唔會係太有代入感。因為背景基本上香港好少發生。不過個故事流程真係安排得好好，情節勁緊湊，睇得好快。唔經唔覺就到高潮，之後就結尾，禁就90分鐘.......我唸係因為呢套戲個故事好簡單，基本上係無乜無聊開左，又收唔返既情節啦...

...真係唔係好試點講呢套戲，不過真係好推薦去睇!! 真係好好睇..

另外，發覺配真琴果把聲個女仔好靚~~~~^^

其中一樣Men's Toy!~ Playstation 3!~~~~~~~正式進駐我屋企~~
等埋星期一部LCDTV黎到屋企，禁就正到爆~~~~~~~~~~~~

勁正!~

上次post過張敬軒新歌「我的天」，話好好聽，好祈待佢新碟。琴日終於出左，即刻download左(聽完之後應該會買碟..或者直接問佢攞啦~)

呢隻碟，又唔係真係話好勁正，不過對於廣東流行曲黎講，的確好易聽，好順耳。除左「酷愛」同「迷失表參道」叫做特別少少，其他歌都其實好大路，不過好好聽。不過當中「迷失表參道」就太似明哥同哥哥合唱既「這麼遠，那麼近」，無論係唱腔，編曲，同歌詞用字都好似，不過我唔知係好事定係唔好事啦~

好聽既當然有「酷愛」，「我的天 」啦。另外，「追風箏的孩子 」係我5星推介，歌路有少少特別，但係又帶半份流行。d歌詞又好，我好鍾意佢d用字，例如「仰天長嘯」，「將記憶燃燒」，「很多東西畢竟控制不了 失散於繁囂」之類。仲有就係「遙吻 」都係好聽既歌。

其他歌都屬於中上既程度，唯一我好唔鍾意既就係「感情用事 」呢首歌。呢首根本就係一兩年前容祖兒既歌，完全K到爆，成首歌一個字「悶到爆」~~!完全唔明點解佢係係呢隻碟入面...完全唔同既野黎既..

除左呢就「感情用事 」之外，唯一有得批評既就係呢隻碟既封面，造型同隻碟好唔同。其實除左第一首「酷愛」個「酷」字同封面造型有少少關係之外，其他歌全部都係慘歌，歌路又係慘情慢歌。試問下邊會有人慘歌會慘到佢封面果個樣禁ga?@~~~~
個封面就係走型既路線，入面又做返慘情情歌王子，隻碟既造型同入面既野完全係兩回事。
而首放榜又好似同成隻碟好唔關事禁，我覺得首放榜為左放榜出既，就出EP或者一個月後出隻特別版，當bonus track好過而家搞到隻碟d歌曲編排唔知點禁..

不過，隻碟d歌同張敬軒都係有料既，隻碟overall黎講都係好好聽~~~
滿意~~~


* 不過唔知kum唔kum聽...香港而家好多歌都係，好聽，不過唔kum聽..而關心妍隻Lost & Found就一般，不過好kum聽..～~

又有新Ferrari...其實，點先可以買到Ferrari？其實我無乜要求，一手,二手都無乜所謂，乜型號都無乜所謂...不過百幾萬，對我黎講仍然係無乜可能...

ai...而家日日起身for nth，出門口返工亦唔知係for乜，放工亦唔知做乜，Happy hour or 返屋企..都係唔知做乜~
禁落去，點有可能買到法拉利.......

之前仲好天真禁唸，我老豆都叫有樓有鋪，身家一定唔止百幾萬，佢絕對買得起法拉利..我心唸，我老豆都得，我唔會唔得掛...
哎，點解我會突然間禁無信心?

........無ar...想講自己一d都唔colorful ja mA~ (心情）...
想搵個人睇戲都勁難~~
好彩家亮都係單身，又做政府官，好無聊無野做~

其他所有人都好似勁忙禁...好似只係得我勁無聊，成日d時間都唔知點過...

..msn 總係唔會應人，電話，打親8成都無人聽，有miss call又唔會打返比我..(我講緊8成我既朋友 ....)

我明做野係忙，時間係少左，不過，係唔係真係禁忙ar??
定係我自己太無聊ar...?


仲有一個近排既結論就係，雖然有一倫成日會唸，遍地都係女，分左手，要識過個都唔會太難je~~ 但係而家唸通左就係，遍地都係女，不過全部你都唔會識，禁遍地都係女，都完全唔關你事啦~~ 除左洗左既錢先係錢之外，完來識左既女都一樣先係女...所以結論係，條街禁多女，都完全唔關我事...有d識左，又唔想關我事，所以結論係，呢個世界完來係無女ga!!~~~

唔知想講乜ar~~

講simson the movie la~~~
勁低B無聊搞笑，不過比預其中差，預其中好笑好多~~其實比我做篇劇‵我一定會比佢而家低B 10倍~~~
勁鍾意 (記得~)
1. 拍手~~ 因為如果有得禁玩，會勁勁勁開心~~
2. VERY EFFECTIVE!~ 勁搞笑~~~~~ 個test個名都勁正(不過可惜唔記得左)
3. 打狗~ (run run run ....rest rest rest...run run run...) 全部都係不斷打緊d狗~~但係個point係佢剛剛先醒覺左唔好乜都只係為左自己~~
4. 我要1萬個tough guy!~ 同埋1萬個soft guy～ soft guy 既作用就可以令到d tough guy更家tough~~~!~~ 之後仲要數...要禁排 ..tough , tough, tough, soft soft tough tough............ 哈哈哈～～～

都可以一看既~ (可能中文版香港人睇會好笑d~~)~